Em ê têkoşînê belav bikin

2026-08-03 15:51:33


	 

	STENBOL – Malpera Nûçeyan a Karkerên Jin derbarê akademîsyenên ku ji zanîngehên taybet hatine derxistin daxuyaniyek da û got, "Îro li vir, sibe li cihekî din, em ê hewl bidin têkoşîna hevalên xwe yên ku ji bo vegerandin û parastina mafên kar dest bi têkoşînê dikin, belav bikin û bilind bikin."

	 

	Malpera Nûçeyan a Karkerên Jin li Şaxa Komeleya Mafên Mirovan (ÎHD) a Stenbolê têkildarî zêdetirî 200 akademîsyenên zanîngehê ji kar hatine derxistin daxuyanî da. Akademîsyen û gelek rêxistinên jinan beşdarî daxuyaniyê bûn. Daxuyaniya çapemeniyê ji aliyê rojnamevan Rahime Karvar ve hate xwendin.

	 

	Rahîme Karvar bi bîr xist ku Malpera Nûçeyan a Karkerên Jin hewl dide mafên jinan biparêze û wiha got: "Feryal Saygiligîl 14 sal in li Zanîngeha Arel a Stenbolê dixebite û ji ber sedemên neqanûnî û keyfî ji kar hatine derxistin ku li zanîngehên taybet bûne mînak.  Wekî 'kotaya zêde ya karmendan' an 'girtina beşê'. Feryal Saygiligîl ku li gel xwendekarên ku li dijî îdîayên destdirêjiya zayendî ya akademîsyenekî mêr gilî dike û ji bo lêkolîna bûyerê gav avêtin û endama Lijneya Rêveber a Navendî ya Sendîkaya Mamosteyan Nûr Tûgçe Biga ku akademîsyenên zanîngehên taybet organîze dike, ji kar derxistin ne tesaduf e."

	 

	Rahime Karvar anî ziman ku armanc ew e ku akademîsyenên jin ên nû mezûn bûne bi mûçeyên kêm û nîvdemî li şûna akademîsyenên xwedî tecrûbe li zanîngehên weqfê werin xebitandin. Her wiha Rahîme Karvar bal kişand ser mijara derxistina ji kar a têkildarî rêxistinkirina sendîkayan û got, "Li gorî îstatîstîkên herî dawî yên sendîkayê, rêjeya sendîkabûnê di nav mêran de nêzîkî ji sedî 13 û di nav jinan de nêzîkî ji sedî 9 e. Ev rêje ne tenê nîşaneya zelal e ku jin di karên neewle de têne xebitandin, lê di heman demê de nîşan dide ku sendîkayên baviksalar çawa ne. Asta bilind a bêkariya jinan a ciwanan yek ji astengiyên herî mezin e li pêşiya dîtina jinan a karekî birêkûpêk û ewle. Nebûna pereyên xwe jî têkoşîna jinan a li dijî serdestiya mêr di nav malbatê de qels dike."

	 

	Rahîme Karvar herî wiha axivî: "Îro li vir, sibe li cihekî din, em ê hewl bidin têkoşîna hevalên xwe yên ku ji bo vegerandin û parastina mafên kar dest bi têkoşînê dikin, belav bikin û bilind bikin."

	 

	Feryal Saygiligîl û Nûr Tûgçe Bîga neheqiyên ku li wan hatiye kirin vegotin û diyar kirin ku dê têkoşîna xwe bidomînin.