
Bîranîna 10’ê cotmehê:Heta edalet neyê aştî jî ne pêkane 

2026-10-10 21:25:16


	&nbsp;

	NAVENDA NÛÇEYAN - Bi wesîleya 11’emîn salvgera Komkujiya Garê ya Enqereyê daxuyanî hatin dayîn û peyama ‘heta edalet neyê aştî jî ne pêkane’ hat dayîn.

	&nbsp;

	Bi wesîleya 11’emîn salvegera komkujiya ku DAIŞ’ê di 10’ê cotmeha 2015’an d eli hember mîtînga ‘Ked, Aştî û Demokrasî’ ya li Gara Enqereyê pêk anî û 104 kesî jiyana xwe ji dest dabû, lig elek bajaran daxuyanî hatin dayîn.

	&nbsp;

	Şirnex

	&nbsp;

	Hêzên Ked û Demokrasiyê li Şirnexê meşek pêk anîn û daxuyanî dan. Meşa ji ber avahiya KESK’ê destpê kir heta Qada Cumhuriyetê bi bi dirûşmeyan berdewam kir. Gelek nûnerên rêxistinên civaka sivîl û partiyên siyasî tevli meşê bûn. Hevseroka Egîtîm Senê Adnan Şenbayram daxuyanî xwend û got li vî welatî dema stranên aştiyê ne.

	&nbsp;

	Bername bi dirûşmeyan bidwî bû.

	&nbsp;

	Dêrsim

	&nbsp;

	&nbsp;Li Dêrsîmê jî Platforma Ked û Demokrasiyê bi heman wesîleyê li Qada Seyîd Riza daxuyanî da. Berdevkê Demî yê Platforma KESK’ê yê Dêrsîmê Sînan Ulu daxuyanî xwend. Di daxuyaniya hat dayîn de hat diyarkirin ku &nbsp;wê têkoşîna edaletê bidomînin.

	&nbsp;

	Mersîn

	&nbsp;

	Platforma Ked û Demorkasiyê ya Mersînê jî li Parka Zarokan a Azad daxuyanî da û gele kes tevli daxuyaniyê bûn Bayram Dolen daxuyanî xwend û da zanîn ku ew tu carê dest ji têkoşîna edaletê bernadin.

	&nbsp;

	Tarsus

	&nbsp;

	&nbsp;Li Tarsûsê jî ji Navenda Perwerdehiya Gel heta &nbsp;Nokteya Bexşa Xwînê ya Kizilayê meş pêk hat û piştî meşê daxuyanî hat dayîn. &nbsp;Hevserokê EgîtîmSenê Kamber Geçer daxuyanî xwend ûda zanîn ku êrîşa p^ke hatiye şermezar dikin.

	&nbsp;

	Artvîn

	&nbsp;

	&nbsp;Li Artvînê jî &nbsp;encama Ciwanên Kedê Elîf Kanlioglu li ser gora wê hat bibîranîn. Malbat, nûnerên saziyên sivîl û partiyên siyasî tevli bûn.

	&nbsp;

	Rîze

	&nbsp;

	&nbsp;Li Rizeyê jî Osman Bozaci yê di komkujiyê de jiyana xwe ji dest dabû li navçeya Pazar a Rîzeyê hat bibîranîn.

	&nbsp;

	Stenbol

	&nbsp;

	Hezên Ked, Aştî û Demokrasiyê yê Stenbolê û Komeleya Aştiyê ya 10’ê Cotmehê di salvegera 11’emîn de qurbaniyên Komkujiya Gara Enqereyê meşek li dar xist. Di daxuyaniyê de hate diyarkirin ku aştî ji bo wan ne tenê dirûşm e û wiha hate gotin: “Hevalên me yên ku 10’ê Cotmeha 2015’an de hatin kuştin bi daxwaza aştiyê li wir bûn. Komkujiya 10’ê Cotmehê bêdengkirina daxwaza aştî û demokrasiyê ye. Heta edalet neyê aştî jî ne pêkane.”

	&nbsp;

	Amed

	&nbsp;

	Platforma Ked û Demokrasiyê ya Amedê, di salvegera 11’an a Komkujiya Gar a Enqereyê de daxuyaniyek da û diyar kir ku ew qurbaniyên komkujiyê ji bîr nakin. Di daxuyaniyê de hat destnîşankirin ku aştiyek bêyî edalet nabe û wiha hat gotin: “Em ê govend û xeyala wan a nîvco mayî temam bikin.”

	&nbsp;

	&nbsp;

	&nbsp;