Li Danimarkayê mitînga ji bo Rojava 

2026-02-08 19:17:29


	 

	 

	 

	NAVENDA NÛÇEYAN- Kurdistanî û komên piştevaniyê yên li bajarê Aarhus ê Danimarkayê, bi daxwaza naskirina statuya Rojava daketin qadan.

	 

	Kurdistanî û dostên wan ên ku li Danîmarkayê çalakiyên xwe didomînin, îro di saet 13:00’an de li Qada Store Torvê li hev kom bûn û mitîngê li dar xistin.

	 

	Di mitîngê de dirûşmeyên,  “Bijî YPJ-YPG”, “Bijî berxwedana Rojava”, “Statu ji bo Rojava”, “Jin, Jiyan, Azadî” hatin berzkirin û serokê rêveberiya demkî yê Sûriyeyê Ehmed El Şara (Colanî) hat protestokirin.

	 

	Parlamenterê Partiya Gel a Sosyalîst a Danîmarkayê (SF) Chalote Bromen jî tevlî çalakiyê bû.Chalote Bromen di axaftina xwe de diyar kir ku Parlamentoya Danîmarkayê piştgiriyê dide têkoşîna gelê Kurd û daxwaza statuyê ya Rojava.

	 

	Kurdistanî û dostên wan ên li Aarhusê dijîn, diyar kirin ku ew ê ji bo rawestandina êrîşên li ser Rojava û naskirina statuya demokratîk çalakiyên xwe bidomînin.