
Ji kameraya rojnameger Sozda Oremar Kobanê

2026-02-12 09:07:19


	&nbsp;

	KOBANÊ- Rojnameger Sozda Oremar ku ji roja êriş û dorpêça li dijî Kobanê hatiye destpêkirin li bajar kedek mezin dide, berxwedan û krîza mirovahî ya li bajar tê jiyîn xist bin qeydan.

	&nbsp;

	Rojnameger Sozda Oremar ku ji roja êriş û dorpêça li dijî Kobanê hatiye destpêkirin li bajar rojnamegeriyê dike, berxwedan û krîza mirovahî ya li bajar tê jiyîn ragihand. Sozda Oremar, qelebalixa li nexweşxaneyê, piştî birîna avê ya ji aliyê HTŞ’ê ve çalên hatine vedan û ava ku welatî jê jehrî bûne, şertên giran ên gel tê de dijîn xist bin qeydan.

	&nbsp;

	Ji ber êrîşan welatên ji Reqa, Tebqa, Sirîn û Eyn Îsa, her wiha kesên ji gundê Kobanê neçar mane koçber bibin, hat tespîtkirin. Kesên koçberbûn li Dibistana Şehîd Nuda hatin bicihkirin û şertên ku gel tê de ne ji aliyê ajansa me ve hat kişandin.

	&nbsp;

	‘Çi dibe bila bibe em ê li berxwe bidin’

	&nbsp;

	Welatiya bi navê Cemîle ya ji gundê Çelebiye ya Kobanê bar kir navendê li dibistana Şehîd Nuda bicih bûn û wiha got: “Êrîş çêbûn em neçar man werin vir. Hêzên me li pişt me ne. Em dizanin. HSD û YPJ bi me re ye. Em natirsin. Çi dibe bila bibe em ê li berxwe bidin. Hêza me ligel me ye wê êrîş vala derkevin.”

	&nbsp;

	Çalakî û bername didomin

	&nbsp;

	Sozda Oremar diyar kir ku gel li dijî êrîş û dorpêçê li qadan e û got ew li dijî êrîşan berxwedanê bilind dikin. Her wiha da zanîn ku gel berê xwe didin Qada Jina Azad a navenda Kobanê û çalakiya nobetê digirin.

	&nbsp;