
Lêpirsîna Gulistan Doku: Sinyalên telefonê ji heman cihî hatin girtin  

2026-05-06 14:25:08


	&nbsp;

	Şehriban Aslan

	&nbsp;

	AMED - Li gorî raporên stasyonên bazê yên tengkirî, di roja ku Gulistan Doku winda bû û rojên beriya wê de, daneyên stasyona bazê yên hin kesan, tevî Mustafa Turkay Sonel, kurê waliyê wê demê, bi daneyên Gulistan Doku re li hev dikin.

	&nbsp;

	Şeş sal piştî windabûna Gulistan Doku, xwendekara sala duyemîn a Zanîngeha Munzurê, girtin û binçavkirin pêk hatin. Her agahiyek nû ya ku ji îfadeyên kesên hatine binçavkirin û girtin derdikeve holê, eşkere dike ka Gulistan Doku çawa hatiye windakirin û delîl çawa hatine veşartin. Niha, li gorî daneyênstasyonên bazê yên tengkirî derketiye holê ku sînyalên têlefonê yên Mustafa Turkay Sonel, kurê waliyê wê demê Tuncay Sonel û hevkarên wî, bi yên Gulistan Doku re li hev dikin.

	&nbsp;

	Li gorî rapora tengkirî ya îstasyona bingehîn a 3'ê Nîsana 2026'an, ku me bi dest xistiye; îstasyona bingehîn a telefonê ya Mustafa Turkay Sonel, kurê waliyê wê demê Tuncay Sonel, Erdogan Elaldî, karmendê rêveberiya parêzgehê yê wê demê, Şukru Eroglu, polîs û parêzvanê waliyê wê demê Ugurcan Açikgoz, û Umut Altaş, kesayetek sereke di lêpirsînê de ku reviya Amerîkayê, bi îstasyona bingehîn a telefona Gulistan Doku re di heman demê de ku ew herî dawî di 5'ê Çileya 2020'î de hatibû dîtin, li hev hatiye.

	&nbsp;

	Sînyala ji heman cihî heta berî windabûnê jî

	&nbsp;

	Dîsa, rapor nîşan dide ku di 27'ê Kanûna 2019'an de, sînyalên îstasyona bingehîn ji telefonên Umut Altaş, Gulistan Doku, Mustafa Turkay Sonel, û Ugurcan Açikgoz ji heman herêma li dora Navenda Ciwanan a li Dêrsimê derketine.

	&nbsp;

	&nbsp;