
Rapora otopsiya Rojwelat Kizmaz: DNA’ya mêr hat tespîtkirin 

2026-06-25 09:07:14


	&nbsp;

	Şehrîban Aslan

	&nbsp;

	AMED - Derket holê ku di rapora otopsiya Rojwelat Kizmaz ya ku bi guman jiyana xwe ji dest da, di mînaka neynûkê de di asta kêm de DNA’ya mêr hatiye tespîtkirin.

	&nbsp;

	Rojwelat Kizmaz li Êlihê di 9’ê Sibata 2024’an de winda bû û cenazeya wê di Bendava Gola Ilisu de hatibû dîtin. Dosyaya der barê mirina bi guman a Rojwelat Kizmaz de bi biryara ‘cih ji lêpirsînê re tuneye’ hatibû girtin. &nbsp;Pirsnîşanên der barê mirina bi guman a Rojwelat Kizma de bi salane bersiva xwe nedîtine.

	&nbsp;

	Lêkolîna ku DNA ya kê ye nehat kirin

	&nbsp;

	Dosya Rojwelat Kizmaz ji nû ve hat lêkolîkirin û me xwe gîhand rapora otopsiyê. Di raporê de îbareya ‘Di asta kêm de profîla DNA Y-STR di mînaka neynûkê de hatiye tesptîtkirin’ û hat dîtin ku nehatiye lêkolînkirin ku DNA’ya mêr aydê kê ye.

	&nbsp;

	Dema mirinê tuneye

	&nbsp;

	Di rapora hatiye amadekirin de daneyeke ku der der barê dema mirina Rojwelat Kizmaz de cih bigire tuneye. Dema mirov li rapora otopsiyê dinêrin tê dîtin ku pirsnîşan nehatine bersivandin û tevî vê dozger serê dosyayê girtiye.

	&nbsp;