
Li Rihayê ji 40 saziyan bang: Divê zemîna siyasî-hiqûqî bê avakirin 

2026-06-26 18:41:27


	&nbsp;

	RIHA - Platforma Ked û Demokrasiyê ya Rihayê, bi dirûşma “Bibe Dengê Banga Aştî û Civaka Demokratîk” &nbsp;û &nbsp;îmzeya 40 saziyan daxuyanî da û banga ‘divê zemîna siyasî hiqûqî bê avakirin’ kirin.Platforma Ked û Demokrasiyê ya Rihayê bi dirûşma “Bibe dengê banga Aştî û Civaka Demokratîk” li Eywana İbrahîm Ayhan ya navçeya Xelîliye ya Rihayê civîneke çapemeniyê li dar xist. Endam û rêveberin partiyên siyasî, saziyên sivîl ên civakî tevlî daxuyaniyê bûn.

	&nbsp;

	Metna daxuyaniya hevpar a ku ji aliyê saziyên sivîl, odeyên pîşeyî, sendîka ve hatibû amadekirin ji aliyê Hevseroka Egîtîm Senê ya Rihayê Ozlem Ulutaş Şengul ve hat xwendin.

	&nbsp;

	‘Çareserî tenê bi polîtîkayên ewlehiyê nabe’

	&nbsp;

	Ozlem Ulutaş Şengul destnîşan kir ku Tirkiye salên dirêj e di nava aloziyeke giran a civakî, siyasî û mirovî de ye û rêya derketina ji vî hawîrdorî tenê bi xurtkirina hiqûq, aştî û siyaseta demokratîk pêkan e û got: “Çareseriya mayinde ya vê pirsgirêka ku bandorê li hemû beşên civakê dike, tenê bi nêzîkatiyên li ser bingeha ewlehiyê nabe. Çareserî bi avakirina zemineke siyasî û hiqûqî ya ku maf û azadiyan diparêze û baweriya civakî ava dike gengaz e.”

	&nbsp;

	Rola civaka sivîl û berpisyariya dewletê

	&nbsp;

	Ozlem Ulutaş Şengul diyar kir ku rola civaka sivîl di vê pêvajoyê de ne tenê şopandin e, divê bibe hêza ku diyalog û çareseriya demokratîk xurt dike û ev tişt anî ziman: “Aştiyeke mayinde bi hemwelatiya wekhev, azadiya xweîfadekirin û rêxistinbûnê ve girêdayî ye û ji bo ku îradeya aştî û civaka demokratîk encamên mayinde bide, divê dewlet jî berpirsyariyê bigire ser xwe û gavên berçav biaveje. Ji bo vê yekê jî divê astengiyên li pêşiya siyaseta demokratîk bên rakirin û rêziknameyên hiqûqî yên pêwîst bên jiyanîkirin.”

	&nbsp;

	Amadekariyên hiqûqî

	&nbsp;

	Ozlem Ulutaş Şengul di daxuyaniyê de herî dawî bang li dewletê kir û wiha got: “Em bang li dewletê dikin ku ji bo xurtkirina aştiya civakî û îradeya çareseriyê, bêyî derengmayîn amadekariyên hiqûqî û saziyî bike. Em bang li hemû dînamîkên civakê jî dikin ku bibin piştgirê jiyana hevpar, aştî û siyaseta demokratîk.”

	&nbsp;