
Çi bi Rojînê hat? Gulistan li ku ye? 


2026-08-31 20:56:13


	&nbsp;

	
																																&nbsp;
																															
																																MERSÎN – Platforma Jinan a Mersînê ji bo lêkolîneke berfireh derbarê mirina Rojîn Kabaîş de bang kir û got: “Çi bi Rojînê hat? Gulistan li ku ye? Em ji bo Rojîn, Gulistan û Rojwelat edaletê dixwazin.”
																															
																																&nbsp;
																															
																																Platforma Jinan a Mersînê li ber Kotonê ji bo ronîkirina mirina xwendekara Zanîngeha Van Yuzuncu Yilê, Rojîn Kabaîş daxuyaniyek da û her wiha bal kişand ser Rojwelat Kizmaz û Gulistan Doku.&nbsp;&nbsp;Li ser navê platformê Çîgdem Goksoy metna daxuyaniyê xwend.
																															
																																&nbsp;
																															
																																Çîgdem Goksoy, diyar kir ku piştî Rojîn Kabaîş di 27ê Îlona 2024’an de ji yurdê derket, êdî tu agahî jê nehatin wergirtin û piştî 18 rojan cenazeye wê li peravên Gola Wanê hate dîtin û wiha bal kişand ser geşedanên dawî: “Em daxwaz dikin ku beyî derênxistinê divê rewş bê zelalkirin. Encamên nimûneyên DNA’yê yên ji Rektorê Zanîngehê Hamdullah Şevlî û biraziyê wî Enes Şevlî hatine wergirtin bên aşkerakirin.
																															
																																&nbsp;
																															
																																Em ne tenê sedema mirinekê, lê tevahiya bûyerên ku ji kêliya windabûna jineke ciwan heta mirina wê pêk hatine, dipirsin û lêkolîn dikin. 18 rojan a piştî windabûna Rojîn Kabaîş bi awayekî berfireh ji nû ve were lêkolînkirin û di vê çarçoveyê de dîmenên kamerayan, tomarên HTS’yê, tomarên çalakiyên dîjîtal, encamên DNA û encamên din baş bên lêkolînkirin.”
																															
																																&nbsp;
																															
																																Çîdem Goksoy, di daxuyaniyê de bal kişand ser dozên Gulistan Doku û Rojvelat Kizmaz û got: “Her sê dozan de jî derbarê çarenivîsa van jinên ciwan de pirsên bêbersiv hene û mijarên têkildarî berpirsiyariya saziyên dewletê derdixin pêş.
																															
																																&nbsp;
																															
																																Mijar ne tenê tespîtkirina kesên sûcdar e. Mijar ew e ku mekanîzmayên dewletê di rewşên windabûn an kuştina jinan de heta çi astê serbixwe, bi bandor, şefaf û berpirsiyar in.
																															
																																Qanûn ne ji bo parastina kesên xwedî statû û hêz e, &nbsp;ji bo derxistina rastiyê ye.
																															
																																&nbsp;
																															
																																Em ji bo Rojîn Kabaîş edaletê &nbsp;dixwazin. Em ji bo Gulistan Doku edaletê dixwazin. Em ji bo Rojwelat Kizmaz edaletê dixwazin. Em ji bo mafê jiyanê yê jinan edaletê dixwazin. Şert û mercên mirina Rojînê nikarin bi demê re bên veşartin. Pirsên me hene. Em bersivan dixwazin. Çi hat serê Rojînê? Gulîstan li ku ye?" Em wê dipirsin.”
																															
																																&nbsp;
																															
																																&nbsp;
																															
																																&nbsp;
																														
																														
																															&nbsp;
																														
																															&nbsp;
																													
																												
																												&nbsp;
																										
																									
																										&nbsp;
																								
																								
																											&nbsp;
																										
																											
																												&nbsp;
																											
																												&nbsp;
																										
																									
																						&nbsp;
																				
																			
											&nbsp;
										
											&nbsp;
										
											&nbsp;
									
								
								&nbsp;
						
					
	&nbsp;

	
		&nbsp;


		&nbsp;
	
		
					&nbsp;
				
					&nbsp;
			
		
		&nbsp;


	&nbsp;

	
					&nbsp;
				
					
						&nbsp;
					
						&nbsp;
					
						&nbsp;
				
				
					&nbsp;
			
			
					&nbsp;
				
					&nbsp;
			
			
							&nbsp;
					
					
								&nbsp;
						
						
								&nbsp;
						
					
	&nbsp;