Peyas de piştîdayîşêk xurt ê semedê keda cinîyan 2026-02-10 12:12:38   AMED – Hemşaredara Şaredarîya Peyasî Bêrîvan Gulşen Sîncar, semedê zêdekerdişê tewrbîyayîşê cinîyan ekonomî de û xurtkerdişê berardişê herêmî, serdayîşê muhîmî pê ard. Bêrîvan Gulşen Sîncar serdayîşê xo de mesajê xurtî muhîmîyê muhîmîyê têmîyankerdişê keda cinîyan warê ekonomî de, xurtkerdişê berardişî û pêgirewtişê cinîyan neql kerd û nêzdî ra kar û xebatê nê wareyî de yenê domnayene, dîyar kerd.   Hemşaredare Bêrîvan Gulşen Sîncar hetkarîyê xo yê hemşaredarîye, endamê meclîsê şaredarî û xebatkarê Mudirîya Polîtîkayanê Cinîyan dir serdayîşê Sûka Keda Cinîyan û Kooperatîfê Berardiş û Kargerîyê Hewldayîşê Cinîyan ê Vinderte ke binê banê Şaredarîye de xebatan domneno, kerd.   Demê serdayîşî de, Hemşaredare cinîyê berardeyoxan dir rî bi rî pêvînayîş kerd û  prosesê berardişî hemparî yê ke Sûka Keda Cinîyan û Kooperatîf yenê domnayene, bi agahîyê hîra agahdar kerd.   Hemşaredare Bêrîvan Gulşen Sîncar dîyar kerd ke ganî veng û vatişê cinîyan cuya ekonomî de tewr xurt bibo û wina va: “Ma hemverê polîtîkayê feqîrkerdişî de yê û piştîdayîşê keda cinîyan kenê.”   Bêrîvan Gulşen Sîncar bale ant ser nê yewî ke ê do piştîdayîşê xo yê semedê asayîşê berardiş û îradeyê cinîyan bidomnê ke cinî hetê ekonomî de hêzêr bibê û wina dewam kerd: “Xurtkerdişê kede, berardiş û îradeyê cinîyan mîyanê armancê sereyîn yê xebata ma de ca gênê. Cewabê ma yê tewr xurt hemverê polîtîkayê feqîrkerdişî no yo; Cinî xoserbîyayîşê xo yê ekonomî bi dest bikerê û prosesê berardişî de rolêk çalak û qerardar bigîrê. Nê semedî ra ma do bi israr piştîdayîşê înîsiyatîfê pêgirewtişî û berardişê hemparî yê sey Sûka Keda Cinîyan û Kooperatîfê Vindertişî bikerê.”   Şaredarîya Peyasî bi rayîrê xebata projeyê cinîyan û torê piştîdayîşî armanc kena ke bi nê çalakîyanê manayîn, eşqê tîyatroyî zerrîya tutan de pîl bikerê û emrêk rew de îmkan bidê înan ke dinyaya hunerî dir têkiliyêk xurt awan bikerê.