‘Heqê hêvîye lazimîyêk lezgînî yo’ 2026-02-14 10:37:19     Şehrîban Aslan   MERKEZÊ XEBERAN – Hemsereka Pêroyî ya OHD’yî Ekîn Yeter da zanayîş ke komplo hemverê îradeyê kolektîf ê şarê kurdî yo û va, pêwa qerarê DMME’yî rejîmê înfazê muebetê giranî û tecrîd dewam keno. Ekîn Yeter eşkera kerd ke semedê şertê muzakereyê demokratîkî bêrê awankerdiş heqê hêvîye ferz o.   Komployê mîyanneteweyî yê 15ê Sibata 1999ine yê hemverê Rayberê Şarê Kurdî Abdullah Ocalanî ser o 27 serrî derbas bî. Tecrîdê giran ê Abdullah Ocalanî ser o dewam keno. Hemsereka Pêroyî ya Komeleya Huqûqnasê semedê Azadîye (OHD) Ekîn Yeter hetê sîyasî û huqûqî yê prosesî ercna û va komplo tenya operasyonêk tepiştişî nîyo, prosesêk mudaxaleyê merkezî yê ke hêzê mîyanneteweyî tewr bîyê yo.   ‘Prosesêk komployî yê zafmerkezî yeno awankerdiş’   Ekîn Yeter da zanayîş ke aktorê komployê mîyanneteweyî Israîl, DYA û Yewîya Sovyetî yê û wina va: “Bi prosesêk zaf aktorî û merkezî no prosesê komployî ame awankerdiş. Abdullah Ocalan bi nê şertan mecbûr mend ke Sûrîye ra vejîyo. Dimayê nê prosesê Atîna-Moskova-Romayî pê ame. Komployê ame domnayene û prosesê muhakemekerdişî zî tewrê no yo. Prosesê Kenyayî babeta vatişî ya. Bi pêroyî vejîyayîşê Sûrîye û welatanê bînan cigêrayîşê bicabîyayîşî û dimayê nê prosesê Kenyayî û waştişê redkerdişê îltîcayî. Nê heme huqûqê mîyanneteweyî, huqûqê Kenyayî û yê Tirkîya binpay keno.”   ‘Hêrişî bi zanebîyayîş ameyî girankerdiş’   Ekîn Yeter dewam de da zanayîş ke o dem averberdişê komployê mîyanneteweyî dir sere de hemverê şarê kurdî Tirkîya de binpaykerdişê heqanê cidî û bêhiqûqî ameyî ciwîyayene û bi serranê 90î ra binpaykerdişê heqanê giranî dir hêrişê hemverê vîrê kolektîf ê şarê kurdî giran bî.   ‘Derbasê prosesêk bîn kerdî’   Ekîn Yeter bale ant ser tecrîdê Rayberê Şarê Kurdî Abdullah Ocalan ser û wina ard ziwan: “Şertê înfazî açarya tecrîdêk giran. Mekanîzmayê tecrîdî dir komployê mîyanneteweyî bi serran ame domnayene û 4 serrê peyênî de tu agahî Birêz Ocalanî ra nêame girewtiş. Averşîyayîşê Prosesê Aştî û Cimatê Demokratîk dir tecrîdo giran ame şikinayîş labelê bi pêroyî werte ra nêame wedaritiş.”   ‘Qerarê DMME’yî 12 serrî yo pê nêame’   Ekîn Yeter wina va: “Hetê şerê somut ê ke ma vînenê de no 12 serrî yo qerarê DMME’yî yê pê nêameyê est ê. Netîceya muracatî de DMME’yî, derheqê Birêz Ocalanî de seranserê cuya tepiştişê ey sey bêhuqûqî hêvîye dî. Dîyar kerd ke no PMME’yî binpay keno û qerarê Boltan, Gurban û Kaytan de zî da zanayîş ke qedexeyê îşkence û caardişê nêbaş ameyî binpaykerdiş. Ma veng danê ke ganî wezîfe û berpirsyarî bêrê ca û heqê hêvîyê pê bêro. Derheqê heqê hêvîye de pabebîyayîşê cidî est ê. Sey huqûqnas pabebîyayî û waştişê ma zî nê hetî de yê. Ganî heqê hêvîye pê bêro. Heqê hêvîye lazimîyêk lezgîn a.”