
Semedê Rojîn Kabaîşe kampanyaya îmzayan ameye destpêkerdiş

2026-04-20 15:31:40


	&nbsp;

	WAN - Komîsyonê Edaletî semedê Rojîn Kabaîşe, bi waştişê ke cipersayîş bi hawayêko zelal bêro domnayîş, kampanyaya îmzeyan a onlaynî da destpêkerdiş.

	&nbsp;

	Cipersayîşê derheqê merdişê biguman ê wendekara Zanîngeha Yuzuncu Yilî ya Wanî Rojîn Kabaîşe ser o 19 aşmî vîyart. La heta nika zî dosya de averşîyayîşêk cidî pê nêameyo. Têkoşînê keyeyî, avûkatan û rêxistinê cinîyan ê semedê roşinkerdiş ê merdişê bigumanan zî dewam keno. Komîsyonê Edaletî semedê Rojîn Kabaîşe ke bi waştişê roşinkerdişî yê merdişê Rojîn Kabaîşe ame awankerdiş, bi waştişê dîyarkerdişê aqubetê Rojîn Kabaîşe, tepiştişê faîlan û averberdişê prosesî, bi sernameyê “Dosyaya Rojîn Kabaîşe de: Delîlan çin meke! Telefon akerê, DNAyan eşkera bikerê” kampanyaya îmzeyan a onlaynî dayî destpêkerdiş.

	&nbsp;

	Her kes eşkeno kampanyaye tîya îmze bike. de îmze bikero.

	&nbsp;

	Komîsyonê Edaletî semedê Rojîn Kabaîşî do rojê vernî de 56 bajaran de standan ronê û îmzeyan arê bikerê.

	&nbsp;