
Tepişteyan ra seba Munîbe Koç mektuba sersaxîye 

2026-07-08 15:24:57


	&nbsp;

	ANQARA - Tepişteyanê Zindanê Girewteyê Cinîyan ê Sincanî semedê Munîbe Koç, "Dayîka Aştîye" ya ke dinyaya xo bedelnaye, mesajêk serweşîye şirawitî.

	&nbsp;

	Tepişteyanê ke Zindanê Girewteyê Cinîyan ê Sincanî yê Anqara de yê, semedê Munîbe Koç ya Dayîka Aştîye ke 14ê Hezîrane de dinyaya xo bedelnaye, mesajêk serweşîye şirawitî.

	&nbsp;

	Muhtewayê mesajê cinîyan wina yo:

	&nbsp;

	"Wexto ke ma faliyet kerdêne, aye her tim hetê ma de bî; her tim îmkanêk geyrayîne ma xo dir bero keye. Aye awankeranê Meclîsê Dayîkanê Aştîye yê Anqara ra yew bî. Nê demî ke ma aye naskerdêne, aye hewldayîne ke dayîkan bîyaro têhet. Vatêne, 'Tenê hîrê-çar dayîkê ma yê aktîf est ê; hûmara ma şenik a û ganî ma zêde bibê,' û qet faliyetî ra fek veranêda. Aye dayîkanê ma yê tewr emekdaran ê Anqara ra yew bî. Cinîyêk ke enerjîya aye qet şenik nêbîyêne. Pêwa ke ma pêroyînan ra pîlêr bî zî çimê aye asoyanê dûran de bî. Lajê aye wareyanê azadan de bî; sey her Dayîkêka Aştîye, fikrêko xorîn û hişyarîyê aye estbî, destê aye her tim sereyê qelbê aye de bî. Ma hîn bi na çîyî zerrînerm benê ke aye tewr şenik şahîdîya nê dewrî kerd û bi hêvî şîye. Labelê, qet lajê xo bi çimanê xo nêdî. Homa rehma xo ganê aye rê biko."

	&nbsp;