TJA 4ine Konferansê xo bi sloganê hemverê faşîzmî de azadî organîze keno

  • 13:19 25 Êlule 2022
  • NAROJANE
 
 
ÊLIH - 4ine Konferansê TJAyî bi sloganê “Ma hemverê faşîzmî bi qerar û azadîye de bi israr ê” Êlih de dest pêkerd, roja 2yîne de dewam keno
 
Tevgerê Cinîyan ê Azadan (TJA) 4ine Konferansê xo bi sloganê, "Ma hemverê faşîzmî bi qerar û azadîye de bi israr ê” Êlih de da destpêkerdiş, roja 2yîne de dewam keno. Konferans bi tewrbîyayîşê 700 delegeyanê cinîyan ê Tirkîya û Kurdistanî tewr bî, dewam keno. Vernîya ke konferans dest pêbikero, cinîyê ke beşdarê Konferansî bî marşê "Çerxa Şoreşê" wendî. Konferans bi amancê awankerdişê cuya demokratîke û ekolojîke bi rayberîya cinîyan de yeno organîzekerdiş.
 
Bernameyê konferansî:
 
Konferans, dimayê qiseykerdişê akerdişî bi weçînayîşê dîwanî, mojnayîşê sînewîzyonî, mesajê ke zîndanan ra amebî, dest pêkerd. Konferans de do babetê sey seserra 21ine de têkoşînê cinîyanê Kurdî û tesîrê ci, têkoşînê cinîyan ê Tirkîya, Rojhelatê Mîyanên, Vakurê Afrîka û dinya de bi munaqeşeyê serê têkoşînê hempar de dewam bikero. Konferans, dimayê wendişê netîceyî bi konser peynî bibo.
 
61 endamê meclîsî ameyî weçînayîş
 
Roja ewilî ya konferansî de 61 endamê meclîsî ameyî weçînayîş. Nê meclîsî de, do 21 endamê îdarekarî bêrê weçînayîş.
 
Konferans de bale antî serê serewedaritişê Îranî
 
Roja yewin ê konferansî de ke vizêr bi seyan cinî tewr bî, bale natî serê xoverdayîşê dimayê qetilkerdişê Jîna Mahsa Emînî ke Îran de hetê “polîsê ehlaqî” ra ke pêro dinya de vila bi û dewam keno û polîtîkayê rejîmê Îranî. Konferanso ke serewedaritişê cinîyanê rojhelatê Kurdistanî û heme cinîyê xoverdayoxî yê Îranî ameyî silamkerdiş de, bale antî tecrîdê serê Rayberê PKKyî Abdullah Ocalanî, qirkerdişê xoza, polîtîkaya şerê xususî, rewşa tepişteyanê nêweşan, şîdetê serê cinî, feqîrîya cinîyan û bi taybetî zî polîtîkayê dewlete yê hemverê cinîyanê ciwanan.
 
Ewro zî yeno pawitiş ke Tirkîya, Rojhelatê Mîyanên û Ewropa de cinîyê ke rayberîya têkoşînê cinîyanê, tewrê konferansî bibê.