Rojnamegere Derya Ren rê cezaya hucreyî dayî

  • 14:05 21 Çele 2023
  • NAROJANE
 
AMED – Muxabîra ajansê ma Derya Ren, seba ke hemverê cigêrayîşê zitî vejîyaye, cezaya hucreyî ya 3 rojan ci rê ameye dayîş. 
 
Çend reaksîyon û nêrazîbîyayîşê sazgeh û rexistinê sivîlî dewam kenê zî zîndanan de binpaykerdişê heqan dewam keno. Zîndano ke teda ci de zêde yo Zîndanê Cinîyan ê Amedî yo. Muxabîra ajansê ma Derya Rene 25ê teşrîna verêne 2022ine de seba cezaya aye estbî amebî tepiştiş û aye şirawitî Zîndanê Cinîyan ê Amedî. Ame dîyarkerdiş ke seba  Derya hemverê cigêrayîşê zitî vejîyaya, cezaya hucreyî ci rê ameya dayîş. 
 
Derya demo ke newe amebî tepiştiş, cigêrayîşê zitî aye rê amebi ferzkerdiş. Seba ke Derya hemverê nê de vejîyaye, hetê 5 gardiyan ra derb werd. Derheqê hemvervejîyayîşê cigêrayîşê zitî de cipersayîş ame  destpêkerdiş. Netîceyê cipersayîşî de qerarê cezaya hucreyê 3 rojan Deryaye rê ame birnayîş.
 
Sewbîna ame dîyarkerdiş ke gardîyanî her tim erzenê serê koguşan û dest danê serê çîyanê tepişteyan.
 
Sewbîna avûkatê Deryaye hemverê cezaya ke ameye dayîş, muracatê dozgerî kerdî.