Keyeyê Şenyaşarî venga HSKyî kerd

  • 15:37 23 Çele 2023
  • NAROJANE
 
RIHA - Ferît Şenyaşar roja 686ine ê Nobeta Edaletî de qisey kerd û vat: “Tîya de ne qanûn, fermanê serdestan yenê caardiş. Ganî mufetîşê HSKyî tewr lez bêrê tîya.”
 
Merdim û pawitişê Parlamenterê AKPyî yê Rihayî Îbrahîm Halîl Yildiz 14ê hezîrana serra 2018ine de Pirsûsê Rihayî de hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke bi birîndarî qirkerdiş ra xelas bibi, 9ê adara serra 2021ine de vernîya Edliyeyê Rihayî de dest bi çalakîya Nobeta Edaletî kerdibî. Çalakîya keyeyî roja 686ine de verê edlîyeyê Rihayî de dewam kerd.
 
Venga HSKyî kerdî
 
Ferît Şenyaşar verê edlîyeyî de qisey kerd, bale ant serê wextê qirkerdişî ra derbaz bîyo û dîyar kerd ke bi 4 serrî û nîm o bêhuqûqî û bêedaletî dewam keno û vat: “Ma tîya de venga Wezîrê Edaletî kenê; Tena Riha nê, heme Tirkîya nê nêheqî û bêhuqûqî zana. Ne qanûnê bîyayeyî fermanî yenê dayîş. Ganî mufetîşê Heyetê Edaletî û Dozgeran (HSK) tewr lez bêrê tîya. Ganî no bêhuqûqîyê ke uca qewimyenê taqîb bikerê. Qêrînayîşê edaletî yê dayîka ke di tutanê xo û mêrdeyê xo vînî kerda û lajê aye bi nêheqî zîndanî de yê ganî bêrê eşnawitiş. Ma wazenê nê nêheqî bêro sererastkerdiş.”