Rojnamegere Soma Xalid bi kefaletî ameye veradayîş

  • 15:38 24 Çele 2023
  • NAROJANE
 
MERKEZÊ XEBERAN - Serê gerreyê Îdarekarîya Nêweşxaneyê Şarî de rojnamegerêke amebî destbendkerdiş, Şubeyê Sendîkayê Rojnamegeran ê Silêmaniyî bi eşkerayîyêke neql kerd ke rojnamegere Soma Xalid bi kefaletî ameya veradayîş.
 
Vizêr şanî keyeyê rojnamegere Soma Xalida muxabîra televîzyonê KNNyî, bi rayîrê tora komelî neql kerd ke Soma Xalide serê gerreyê Îdarekarîya Nêweşxaneyê Şarîa ameya destbendkerdiş. Keyeyî da zanayîş ke seba cipersayîşî venga Soma Xalide ameyo kerdiş.
 
Şubeyê Sendîkaya Rojnamegeranan ê Silêmanîye bi eşkerayîyêke neql kerd ke rojnamegere Soma Xalid bi kefalet ameya veradayîş.
 
Ercyayîşê vatişîyo ke rojnamegere Soma Xalide 13ê Teşrîna Peyêne 2022ine de serê keyepelê xo yê tora dîjîtale yê facebookî de derheqê Nêweşxaneyê Şarî yê Silêmanîye de nuşteyêk vila kerdibî. Bi bahaneyê nêheqî hemverê beşê Weşîye yê Silêmanîye kerda, vizêr Soma Xalide seba cipersayîşî amebî vengdayîş.