Festîvala Fîlmê Cinîyan ê Uçan Supurge dest pêkerd

  • 15:03 2 Hezîrane 2023
  • NAROJANE
 
MERKEZÊ XEBERAN - 26ine Festîvala Fîlmê Cinîyan ê Uçan Supurge, bi merasîmê xelatdayîşî reyde dest pêkerd. Nameyê ke merasîm de xelate girewtî, qiseykerdişê xo de bale antî serê têkoşîn û hêvîye, xelatê xo dîyarîyê Çigdem Mater kerdî.
 
Bi paştdayîşê Wezaretê Kultur û Tûrîzmî, Midûrîyê Pêroyî yê Sînema ame organîzekerdiş, bi merasîmê akerdişî yê vizêr şewe raşteyê Opera ame organîzekerdiş, dest pêkerd. Şewa ke pêşkêşkerdişê Şenay Gurler û Yetkin Dikinciler pê ame de, Emsemble Allegra konserêk da. Dimayê konserî, Xelatê Rûmet, Serkewtişî yê Bîlge Olgaç û Pirêboka Ciwane ke her serre seba keda cinîyan ê sînema de bêro vînayîş û cesaretkerdişê neslê newe yê sînemageranê cinîyan yenê dayîş, pêşkêşê wayîran ame kerdiş.
 
‘Şima benê hêvî’ 
 
Xelata Rûmetî ya emser pêşkêşê hunermenda westa Tilbe Saran ame kerdiş. Tilbe Saran wina vat: “Şima benê hêvî. Nika tewr zêde ma hewceyê nê yê. Lezê hêzê ma de ne sozê dûmanê dîndar û ne zî zerrîgermkerdişê hulya yo, no tenê heriknayîşê tarîxî yê bêmabên o. Yê ke hemverê ma vejîyayê, hemver vejîyayê. Sukûnî çin o, tevger esto. Ewro keweno sibay, siba ewro rijneno û no bêvindertiş herikêno. Ma  qehremanê ewro, munadîyê siba yê. Ma vengê  rêzdayîşî yê nê heriknayîşê bêmabên û rijyeno şino yo. Yê ke gamê xo goreyê heriknayîşê tarîxî kenê, emperyalîzmo ke bingehê ci rijyayo konê û yê ke ameyox awan kenê yê. No dês, no dêsê şima, viz yeno û viz dano ma ro.”
 
Xelate seba Çigdem Mater girewte
 
Yew xelatgirewte Xelata Serkewtişî ya Bilge Olgaç Asîye Dinçsoy xelata xo Nazan Kesal girewte. Asîye Dinçsoy wina vat: “Bi rastî ez wazena seba wayanê ma yê ke nê esasê tarî ra vatî belê çîyêk vajî: Eke rojêke lazimîya şima bi ma bibo, ma her wext tîya yê.  Ez hêvî kena ke do seba çîyêk ke şima hewce nîyê vatî belê. La eke rojêke şima lazimî bivînê, ma do her tim verê şima de bê, ma do her dem paşta şima de bê. Ma do tîmî têkoşîn bikerê. Ma tîya yê û ez na xelate seba Çîgdem Matera ke qurbanê nê tarîye ya gêna.”
 
Seba pêro cinîyan
 
Yew nameyê bînî ê Xelata Serkewtişê Bilge Olgac girewt, Belmîn Soylemez a. Xelata Serkewtişî Bilge Olgaç sewbîna seba edîtor Selda Taşkin rê ame dayîş. Xelata Pîreboka Ciwanan zî kaybaze Oykusu Ozyurek rê ame dayîş. Xelata Temaya Uçan Supurge ya ke hetê weqfî ra çarçewaya babete de şexsêk yan sazgehêk ra yeno dayîş, dîyarîya pêro cinîyê ke serra xidar ê ke ma pey xo de verda de her yew înan ra wareyê cîya de têkoşîn kerdî û vatî “Jin Jiyan, Azadî” ame kerdiş. Nameyê ke xelata xo girewtî qiseykerdişê xo de xelate diyarî Çigdem Matere kerdî.
 
Merasîm bi taybetî nameyê ke xelate girewtî heme meyman û kesê ke keda xo festîvale de derbaz bî, vejîyayî serê sehne û pîya deyîra “Cinî estê” peynî bî. Festîvale bi pêşkerdişê Sînemaya Magic Fener Kizilayî dest bi maratonê xo kena.