Amed de vengê deyîranê kurdkî zimî da

  • 13:36 4 Hezîrane 2023
  • HEME XEBERİ
 
AMED - Hunermende Rewşane Çelîker Amed de konserêk bêhempa organîze kerd û eywana konserî de vengê deyîranê kurdkî zimî da.
 
Hunermende Rewşane Çelîker Merkezê Kultur û Kongreyî yê Şaredarîya Bajarê Girdî ya Amedî de konserêk bêhempa organîze kerd. Konser bi organîzasyonê Pera Group ame amadekerdiş. Ewyana konserî ke hezar û 500 kes ci de ca benê, pirr bî.
 
Rewşane Çelîker û ekîba xo bi performansêk berz vejîya serê sehne. Wexto ke Rewşena vejîya serê sehneyî temaşekeran keyfweşîya xo mojna. Rewşane konserê xo bi di beşî kerd. Dimayê beşê ewilî qedîya mabêne da konser û bi beşê diyîn dewam kerd. Balkêş bi ke xeylê deyîrê Rewşene folklorîk bî.
 
Rewşane mabêne deyîran de hîn qiseykerdişê qilm kerd û bale ant serê muhîmîyê kultur, ziwan û edebîyatê kurdkî.
 
Atmosferê ewyana konserî û performansê Rewşane Çelîker ercîyayeyê temaşekerdişî bi.