Endama Delegasyonê Aştîye ya Îmraliyî: Wezîrîya Edaletî zure kena

  • 11:28 17 Gulane 2023
  • NAROJANE
Marta Sömek 
 
STENBOL - Delegasyonê Aştîye ya Îmraliyî ya Mîyanneteweyîye Laura Castele seba vatişê Wezîrîya Edaletî ya derheqê tecrîdê Îmraliyî ‘Muameleyê xirab çin o’ ser de wina vat: “Wezîrî tesilî zure kena. Çareserî bi dîyalogî netîce bena. Serbestveradayîşê Ocalanî ameyo rî bi rîyê nê problemî û çareserî destpêkerdişê aştîye yo.”
 
No 25 aşmî ra zêde yo ke Rayberê PKKyî Abdullah Ocalanî ra xebere nîna girewtiş. Delegasyonê Aştîye yê Îmraliyî yê Mîyanneteweyî Laura Castele derheqê babeta tecrîdî de ercnayîş kerd. 
 
Delegasyonê Aştîye yê Îmraliyî yê Mîyanneteweyî û endama Komîteya Taqîpkerdişî û temsîlkara Meclîsê Parlamenterî ya Konseyê Ewropaye û Hetgira Serekatîya Koma Çep a Konseyê Ewropaye Laura Castele JINNEWSî rê qisey kerd. 
 
Amacê înan no yo ke tecrîdî rojeve de biverdî
 
Lauraye da zanayîş ke amacê înan ke ameyî Tirkîya no yo ke derheqê tepişteyanê sîyasî û şertê zîndanan de malumatan bigêrî û wina vat: "Problemê Kurd mîyanê Konseyê Ewropaye de zî cayê xo gêno. Xeylê muhîm o ke ez babeta tecrîd û meseleya kurd parlamentoya Îspanyaye zî bîyara ziman."
 
'Wezîrîya Edaletî zure kena’
 
 
Lauraye seba vatişê Wezîrîya Edaletî ya derheqê tecrîdê Îmraliyî ‘Muameleyê xirab çinî yo’ wina vat: “Dîyaro wezîrîya zure kena. Tecrîd sey îşkence û binpaykerdişê heqê merdiman yeno binamekerdiş. Tecrîd astengkerdişê pêvînayîşê bi avûkat û keyeyan reyde yo. Birnayîşê teberî reyde yo. Wezîrî madem zure kena wa biverda ma, CPT, Konseyê Ewropaye, keye, avûkatî şêrî pêvînayîş bikerî. Nizdîbîyayîşê înan ra dîyaro ke binpaykerdiş esto.”
 
Raporê CTPyî
 
Lauraye da zanayîş ke ê do hewl bidî ke raporê zîyaretê CPTyî yê Êlula 2022î yê Îmraliyî bimusî û vat: “Ez fikirîyena ke do raporî eşkera bikerî. Ez elkena Konseyê Ewropaye û parlamentoye de nê problemî bîyara ziwan ser. CTP zî dezgehêk girêdayeyê Komîteya Heqanê Merdiman o. ma eşkenç reyna na babete bikerî rojeva xo.”
 
'Çareserî verdayîşê Ocalanî yo' 
 
Laura dîyar kerd ke heta ke Ocalan serbest nêro verdayîş ê nêeşkenê qala aştî û demokrasîye bikerî û wina domna: “Tecrîdkerdişê Ocalanî lawazîya Erdoganî yo. Nizdîbîyayîşê bi cesaret û bi hêz serbestverdayîşê Ocalanî yo û dewamê nê munaqaşayan raşteyêk demokratîke de yo. Ocalan netîce de Rayberê Tevgera Kurdî yo. Seba şarê kurd sembolêk muhîm o. Ma do zî kombîyayîşê Konseyê Ewropaye de nê probleman bîyarî ziwan ser. Çareserî dîyalogî de ya. Serbestveradayîşê Ocalanî ameyo rî bi rîyê nê problemî û çareserî destpêkerdişê aştîye yo.”
 
'Ocalan kilîtê problemê kurdî yo' 
 
Laura da zanayîş ke tecrîdê Îmraliyî heme zîndanan de ameyo vilakerdiş û wina vat: "Seke ez vînena Îmrali û Ocalan bi tepişteyanê sîyasî reyde seke 'laboratuvarêk' ameyê şuxulnayîş. Çalakîyê bêmerdimayî, izolasyonê ke bi ca ardê dima ra pêro zîndanan de vila bîyê. Ocalan sembolêk muhîm o. Caardişê înan ê Îmraliyî sey ceribnayîşêk seba nê sebebî yo ke Ocalan sembolêk muhîm o. Ocalan kilîtê problemê kurdî yo. Heta tecrîd û îzolasyon bibo do çareserî nêvirazîyo û mumkin nîyo ke problemê tepişteyê sîyasî rê çareserî bêro vînayîş."
 
Venga tecrîdî yê mekanîzmayê mîyanneteweyî
 
Laura da zanayîş ke Konseya Ewropayî heta ewro hîn game eşta û vat: "Hîn gamî ameyî eştiş û hîn averşîyayîşî virazîyayî. Labelê nê qîm nêkenê. Her tim tewr baş eşkeno bêro kerdiş. Dimayê weçînayîşê 14ê Gulanê bi aktorê raşteyê mîyanneteweyî eşkeno têkiliyê demokratîke bêrê dayîş. Mekanîzmayê mîyanneteweyî, eşkenê na babete bikerê babeta ewil. Eşkenê tewr zêde bîyarê rojeve."