Hunermende Nahîd Şaşanî dinyaya xo bedelnaye 2026-11-20 14:25:51   MERKEZÊ XABERAN - Hunermende û rejîsora dublajî Nahîd Şaşane dinyaya xo bedelnaye. Nahîd Şaşanî, bi dublajê karakterê Xaltîya Xanim a rêzefîlmê Cotgeha Hanna de û dayîka Hatch a rêzefîlmê Moza Hingêmîn Hatchî de ameyîne şinasnayene.   Hunermende û rejîsora dublajî Nahîd Şaşane, vîzêr netîceyê nêweşîyêk de dinyaya xo bedelnaye.   Nahîd Şaşane, serra 1948ine de Tehran de ameya dinya û serra 1969ine de dest bi karîyerê xo yê dublajî yê profesyonelî kerd. Nahîd Şaşane, anîmasyonê Zohre û Zehra dublaj kerd û 12 serran ra zêdeyêr sey rejîsora dublajî semedê rêzefîlmê namdare Doktoran xebitîya.   Nahîd Şaşane, teberê xeylêk berardişê tutan û ciwanan ê sey Spider-Man, Betmen û Woody Woodpeckerî de, rejîsora dublajî ya xeylêk programanê tutan ê ke platformanê dîjîtalî de ameyî weşanayîş, kerde.   Hunermende sewbîna bi vengê karakterê Xaltîya Xanim ê rêzefîlmê Cotgeha Hanna de û dayîka Hatch ê rêzefîlmê Moza Hingêmîn Hatchî de gane kerd.