Buşra Turan

 

WAN – Aktîvîsta TJA’yî Oznur Evîn dîyar kerd ke hêrişê hemverê Rojawanî destkewtişê cinîyan hedef gênê û va polîtîkaya bêcezayî yenê girankerdiş û wina va: “Ganî qanûnî tenya kaxidan ser o nêbê, ganî bêrê caardiş.”

 

Şîdetê cinîyan ser her ke şino giran beno û Tirkîya de zî bi fesihkerdişê Peymana Stenbolî û polîtîkaya bêcezayîye heqê cuyayîşê cinîyan raste rast hedef yenê girewtiş. Hêrişê hemverê Rojawanî de zî hedefgirewtişê cinîyan vet orte ke bi hawayêko sîstematîk destkewtişê cinîyan yê Rojawanî yenê hedefgirewtiş.

 

Aktîvîsta Têgêrayîşê Cinîyanê Azadan (TJA) Oznur Evîn derheqê qetilkerdişê cinîyan de qisey kerd.

 

‘Ganî qanûnî bêrê caardiş’

 

Oznur Evîn dîyar kerd ke şîdetê camêrdan bi destê qanûn û dewlete yeno kûrkerdiş û wina ard ziwan: “Semedo ke qanûnî nînê caardiş şîdet zî giran beno. Qanûnê bîyaye nînê caardiş o wext derbasbîyayîşê ci zî babeta qiseykerdiş nîya. Nê semedî ra ma şîdetê cinîyan ser o tenya sey şîdetê camêrdan nêercnenê. Na nuqta de muhîm o ke qanûnî kam ci sewîyeye de cinîyan bipawê.”

 

‘Ganî cezayê bi bandor bêrê dayîş’

 

Oznur Evîn dîyar kerd ke fesihkerdişê Peymana Stenbolî dir qetilkerdişê cinîyan zaf zêde bîyo û polîtîkayê bêcezayîye raste rast cuyayîşê cinîyan tehdîd keno. Oznur Evîn wina ard ziwan: “Camêrdî binê nameyê ‘namûsî’ de cinîyan qetil kenê û bêceza yenê verdayîş. Nê semedî ra zî qetilkerdişê cinîyan roj bi roje zêde beno. Cinîyê ke muracatê hêzê asayîşî kenê pêwa qerarê pawitişî kuçeyan de yenê qetilkerdiş. Ma vanê ke eke qanûnêk est o ganî hukmê ci bêro ca. Ganî cezayê bi bandor gumanbaran rê bêrê birnayîş.”

 

‘Rojawan de destkewtişê cinîyan hedef ameyî girewtiş’

 

Oznur Evîn bale ant hêrişê Rojawanî ser o û dîyar kerd ke tîya destkewtişê cinîyan hedef yenê girewtiş û hêriş bi zanebîyayîş û zemînêk îdeolojîk de yenê kerdiş. Oznur Evîn wina dergî da qiseykerdişê xo: “Birnayîşê gilayanê cinîyan û bi nê pesnê xo dayîş fehmê dewleta camêrdî baş mojneno. Cewabê dewletê camêrdanê hemverê destkewtişê cinîyan, heqê cinîyan no yo. Hêrişê Rojawanî hemverê şorişê cinîyan de hêrişêk bi zanebîyayîş o. Bêvengîya hemverê hêrişê Rojawanî ser o xo siperneno têkiliyê berjewendî. No helwest zî piştîdayîşê semedê hêrişan vet orte. Rojawan de xoverdayîşêk pîl est o. Hemverê hêrişê Rojawanî ser o 7 serrî heta 70 serrî cinî xo ver danê. Rastîyêk wina est o. Rastîyêk cinîyan ya ke herra xo, cimatê xo pawenê hemverê çeteyê hov xo ver danê est o.”

 

‘Rojawan xeta ma ya sûr a’

 

Oznur Evîn dîyar kerd ke bêvengîya hemverê hêrişan helwestêk bi zanebîyayîş o û wina dîyar kerd: “Rojawan semedê cinîyan xeta sûr a. DAIŞ semedê dinya tehdîd o. Do hemverê cinîyan hêrişî hîn zêdeyêr bibê. DAIŞ Rojawan de bi serkêşîya cinîyan ame vindîkerdiş û bi destê hêzê serdestî ra newe ra ame ganekerdiş. Nê çeteyî do rojêke verê xo bidê înan. Rojawan xeta ma ya sûr a. Rojawan şoriş o, şorişê Rojawanî dir destkewtişê cinîyan o. Ma do têkoşînê xo bidomînê.”