MERKEZÊ XEBERAN - Ablûqaya hukmatê demkî yê Sûrîye yê Kobanê ser o roja 22ine de ya. Rewşa merdimayî û mercê cuye her roje hîna giran bena.

 

Pêwa pêvînayîşê mabêne heyetê îdareyê Kobanê û hukmatê demkî yê Sûrîye yê bi armancê caardişê peymana 30ê çeleyî, komê hukmatê demkî 22 rojî yo Kobanê ablûqa kerdo.

 

Semedê ablûqayê rewşa merdimayî Kobanê giran beno. Derman, şitê tutan, xida û lazimîyê sereyîn xeylêk kêmî yê û rewşa debare ya nêzdîyê 600 hezar kesî pêwa koçberan, giran beno.

 

Sazgehê Elektrîkî yê Kobanê vizêrî qebloyê semedê hêrişan zirar dîbî, sererast kerdî û reyke bîn kerdê xizmetî.

 

Pêwa ablûqayê giran, Kobanê de zêdeyêrî 200 hezar koçberî 70 cayan ameyê bicakerdiş.

 

Roniştoxê Kobanê hemverê ablûqayê xoverdayîşî dewam kenê û sey rayîrê yewine yê pawitişê destkewtişî vînenê.