Elfazî Toral

 

STENBOL - Gulê Kaya a ke hunerî sey “neqlkerdişê vîrî” pênase kena va ke klîbê verêne yê berardişê aye yê “Jin Jiyan Azadî” bi kedêk kolektîf vejîyayo orte û her kes eşkeno hîkayeyêk xo tîya de bivîno.

 

Hunermende Gulê Kaya bi berardişanê xo yê “Jin Jiyan Azadî” klîbê xo yê verêne ant. Gulê Kaya derheqê xebate û hunerê xo de qisey kerd.

 

Gulê Kaya va ke wexto ke hunerê xo kena, Dayîkanê Aştîye û cinîyanê ke têkoşînî de cuya xo bedelnayî ra îlham gêna û wina va: “20 serrê verî mi wareyê hunerî de dest bi hunerî kerd. La semedê şertan mi mabêne da. 2015ine de mi ancî dest pêkerd. Mi Dayîkanê Aştîye û cinîyanê ke têkoşînê azadîye de cuya xo bedelnayî ra îlham girewt. Temsîlkarê tewr xurtî yê nê felsefeyî dayîkî bîyî. Ê bîyî çimeyê îlhamê mi. Mi bi hêzê ke uca ra girewt dest bi deyîr û vatişanê deyîranê xo kerd.”

 

Tecrubeyê ke demî dir ameyî bidestkerdiş

 

Gulê Kaya va ke mîyanê demî de bi tecrubeyê hunerî yê ke bidest kerdî hetê muzîkerî de xo xurt kerda û ancî revîze kerda û wina ard ziwan: “Demî dir mi hem hetê felsefîkî hem hetê hunerî de tecrube qezenc kerd û mi deyîran hetê muzîkerî de xurt kerd û ancî revîze kerd. Mi motîvasyonê deyîre dayîkan, Dayîkanê Aştîye ra girewtêne.”

 

Tesîrê hunerî yê komelî ser o

 

Gulê Kaya bale ant rolê hunerî yê komelî ser û eşkera kerd ke aye rêça mîrasê Meryem Xan û Eyşe Şane de rayîr ra şîya û wina va: “Huner wareyêk xoverdayîşî yo. Kultur hemverê erozyonî mîsyonêk gêno. Çimeyê tewr pîl ê ruhê hunerî yê wey keno têkoşîno ke ma domnenê yo. Nê semedî ra yê ke rayîr dano vernîya ma cinî û dayîk ê. Bêguman ez îlhamê xo înan ra gêna. Mi bi hunerî têkoşînê xo xurt kerd û hemverê modelê yew tîpî yê sîstemî bi alternatîfê xo, xo aver berd.”

 

Hîkaye cîya bibê zî…

 

 

Gulê Kaya va ke xeta klîbê xo yê verêne de pêwa heme zehmetîyan bi rolêk kolektîf têgêraya û derheqê muhtewayê klîbî de zî wina va: “Girseyo ke ez wazena xo biresnî bêguman cinî û tut ê. Ez bi hêzê berardişê perspektîfê komunal, paştîdayîş û berardişî ra bawer kena. Ez wazena xo biresnî cinîyan, çimkî mi deyîra xo ya hîrine de ca dabî nê. Vatişêk mi yê ‘hîkaye cîya bibo zî dejê ma têduşt o’ estbî. Nê semedî ra her vatiş, her nuştox û her çekûye hîkayeya xo bedelanê yenê dayîş ra gêna. Kultur û huner sîyasetî ra hîna xurtêr ê. Dinya de zî wina yo. Bi deyîrêk merdimî eşkenê milyonan rêxistin bikerê.”

 

Muhîmîya xebata kolektîf

 

Gulê Kaya peynîya qiseykerdişê xo de wina va: “No proses hetê şexsî û noqteya perspektîfî de nasnameyêk bîn da qezenckerdiş. Ez semedê heme kesanê ke paştîdayîş semedê klîbî kerdê sipasîya xo kena. Ê çinbîyîne ez wina xurt nêbîyayîne. Klîb de mi waşt heme problemê ke cinî ciwîyenê, bêajîtekerdiş, qal bikerî. Klîbêko ke her kes hîkayeyêk xo tede de vîneno yo.”