ÎZMÎR - Semedê Zeynep Cansiz a ke dinyaya xo bedelnaye do Cemxaneyê Evka2 yê Îzmîrî de şîn bêro ronayîş.

 

Dayîka yew awankerdoxa PKK'yî Sakîne Cansiz ke Parîs de 9ê çeleyê 2013ine de ameye qetilkerdiş Zeynep Cansiz, semedê nêweşîye berdîyabî nêweşxane.  Zeynep Cansiz a ke kewtebî war û gonî şîbî mezgê aye ser, aye berdebî Nêweşxaneyê Bajarî yê Îzmîrî û 11ê Nîsane de amebî entubekerdiş. Zeynep Cansiz ewro serê sibayî dinyaya xo bedelnaye.

 

Do cenaze berê Dêrsim

 

Cenazeya Zeynebe berdî Sazgehê Tibî yê Bucayî. Dimayê qedênayîşê karê cenaze do vernîya şan de semedê definkerdişî berê Dêrsim.

 

Şîn do Cemxaneyê Evka2 de bêro ronayîş

 

Semedê Zeynep Cansiz, do şîn Cemxaneyê Evka2 de bêro ronayîş.