MERKEZÊ XEBERAN – Talîbanî bi îdîayê "Goreyê qeydeyanê piştişî tênêgêrayê" Herat de 5 cinîyan destbend kerd.

 

No demêko zextê Talîbanî pêroyê Afganîstanî de serê cinîyan de vejîyayo sewîyeya tewr berz. Bi xususî bajarê Heratî de ke semedê kerdişê hovî yê Talîbanî bi nerazîbîyayîşê cinîyan û cimatî rojeve de yo, nê zextî vejîyayê sewîyeya tewr berz.

 

Talîban wareyanê cîyayan ê bajarê Heratî de bi sebebê "Goreyê qeydeyanê piştişî nêgêrayê" 5 cinîyan destbend kerd. Goreyê şahidan, hêzê ke girêdayê Wezaretê Fermankerdişê Qencîye û Vernîgirewtişê Xirabîye yê Talîbanî yê, pêwa ke ê cinîyan qeydeyê piştişî ca ard bî zî ameyî destbendkerdene. Goreyê vatişanê şahidan cinîyê ke ameyî destbendkerdene çaketê derg, çarşefê nimajî û maske dabî xo ra. Labelê, no yew semedê destbendkerdişê înan nêbi asteng.

 

Derheqê aqûbetê cinîyê ke ameyî destbendkerdene û ça yenê tepiştiş de hema agahîyêk nêameya parekerdene. Talîbanî zî hema derheqê na babete de eşkerayîyêke nêdaya.