MERKEZÊ XEBERAN - Raporê heqê merdiman ê 6 aşmanê destpêkê yê serra 2026ine nîşan danê ke pêwa îdîayanê Tehranî, zordarîyê sîstematîkî cinîyan ser o zêde bîyî. Mîyanê şeş aşman de tewr tay 9 cinî ameyî dardekerdiş, zêdeyêr 5 hezar cinî ameyî tepiştiş.

 

Demêk ke selahîyetdarê Komarê Îslamî her wext qalê başkerdişê ê rewşa cinîyan kenê, raporê heqê merdiman ê nîmêyê serra 2026ine fotografêk cîya nîşan dano. Fotografo ke qalê zêdebîyayîşê dardekerdişî, tepiştiş, vetişê cezaya giranî ya edaletî, qetilkerdişê cinîyan û dardekerdişê bi seyine cinîyan protestoyan de keno û ancî  endîşeyê serê xurtkerdişê polîtîkayê sîstematîkî yê hemverê cinîyan zêde kerd.

 

Goreyê raporo ke hetê sazîyanê heqê merdiman ra ame weşankerdiş, 6 aşmanê verênanê serra 2026ine de tewr tay 9 cinî ameyî dardekerdiş, zêdeyêr 5 hezar cinî ameyî tepiştiş ke nasnameyê 368 înan ameyî eşkerakerdiş, çar cinîyê çalakîkerî cezaya dardekerdişî dir rî bi rî mendî, bi desine cinîyanê çalakîkera cezaya zîndanî û qamçîyan antî, tewr tay 45 cinî bîyê qurbanîya qetilkerdişê cinîyan, di cinî bi guleyê yewser ê hêzanê hukmatî can dayî, sewbîna tewr tay 250 cinî protestoyê çeleyî de ameyî kiştiş. Temamî nê dayeyan nîşan danê ke zordarîyê sîstemî cinîyan ser o Îran de giranêr bîyo û binpaykerdişê heqanê înan ê bingehênî hîra bîyo.