STENBOL - ÎSÎGî “Raporê Cînayetanê Karî” yê aşma hezîrane eşkere kerd û dîyar kerd ke 228 karkeran cînayetanê karî de cuya xo vîndî kerda.

 

Meclîsê Weşîya Karkeran û Asayîşê Karî (ÎSÎG), “Raporê Cînayetanê Karî” yê hezîrana 2026î weşana. Goreyê raporî, tewr kêmî 228 karkerî cînayetanê karî de merdî. Nê 228 karkeran ra 10 kesî cinî û 218 kesî zî camêrd ê. Sewbîna goreyê raporî, 6 karkerê gede û 14 koçberî zî nê cînayetan de merdî.

 

Raporî de sebebanê mergan ser o zî ameyo vindertiş: Se ra 24 pelçiqîyayîş, se ra 15 cayanê berzan ra kewtiş û se ra 15 zî qezayanê trafîkî yê serwîsanê karkeran o. Goreyê qadanê karî zî nisbetê mergan wina ame dîyarkerdene: Se ra 24ê mergan qadanê ramitiş û daristanî de, se ra 24 qadanê înşeat û rayîr, se ra 11 qadanê neqlîyat, se ra 8 qadanê metal û sera 6ê mergan zî qadanê şaredarî de qewimîyayê.