Muracatê peysereştişê ceza 40 rojî yo bêcewab o
- 11:33 21 Teşrîna peyêne 2026
- NAROJANE
ANQARA - Muracatê semedê peysereştişê cezaya tepişteye Newroz Bozkurt ke bi nêweşîya kanserî kewta û 14ê teşrîna peyêne de semedê giranêrbîyayîşê nêweşîya aye berdîyaya nêweşxane, 40 rojî yê bêcewab mendo.
Rewşa weşîya Newroz Bozkurte ke Zîndanê Girewte yê Cinîyan ê Sincanî de yena tepiştiş û teşhîsê kanserê gonî aye rê ameyo dayîş, xirabêr bîya. Dimayê ke nêweşîya aye aver şî, avûkatê aye 12ê teşrîna verêne de muracatê Serdozgerîya Komare ya Anqarayî da û waştişê peysereştişê cezaya aye kerd. Labelê, pêwa ke 40 rojî derbas bîyo zî tu cewab nêameyo girewtiş.
Demêko Newroz Bozkurt ya ke 14ê teşrîna peyêne de seba tehlukeyê cuya aye ser berdîyaya nêweşxane û tedawîya aye dewam kena, muracatê semedê peysereştişê cezaya aye hema zî nêameya cewabkerdiş.
