Berîtan Tunç

 

ÎZMÎR - Aktîvîsta enternasyonalîst Sarah ke Karavana Şarî ya bi serkêşîya Young Struggle hemverê hêrişê Rojawanî ser de ca girewtî, piştîdayîşp ke sînoran derbas kerd, destbendkerdiş, îşkence û propagandayê zûrî yê dewletan û semedê pawitişê Şorişê Rojawanî ercnayîş kerd.

 

Hêrişê hemverê Rojawanî de Karavana Şarî Ewropayî vejîyayî rayîr û bi armancê piştîdayîşê şarê kurdî dir hewl dayî biresê Vakur û Başûr. Sarah ke Karavana bi nameyê Young Struggle de ca girewte, çîyê ke ciwîyayê JINNEWS’î rê ercnayîş kerd.

 

‘Şarê kurdî sînoran bi çalakîyê piştîdayîşî derbaz kerdî’

 

Sarah da zanayîş ke Karavana şarî têgêrayîşêk kes û rêxistinê cîya pê yena ya û komê cîya yê enternasyonalîstî tewr bîyê. Sarah wina va: “Hetê cîya kesî dorê piştîdayîşp Rojawanî de bîyî yew. Karavane îrade û çalakîya şarê kurdî nimûne gêna. Rojê ewilî yê hêrişî de ma yewîya şarê kurdî bi hawayêko zelal dî. Heme dinya nê dî. Parçeyê cîya yê Kurdistanî xoverdayîşî dest pêkerdî. Yewîye dayî orte. Hêzê sîyasî dayî orte. Bi piştîdayîşî sînoran derbaz kerdî.”

 

‘Rojawan bi çimeyê hêvîya şarê bindestî’

 

Sarah dîyar kerd ke bi çalakîya piştîdayîşî sînorê emperyalîstî çinî ameyê hesibnayene û wina dewam kerd: “Karavana şarî na çalakîye xo rê nimûne girewt. Ma vînenê ke şarê kurdî yewîye û hêzê sîyasî mojnayî. Na babete tenya kurdan eleqedar nêkena. Têgêrayîşêk piştîdayîşî yê ke herra Kurdistanî derbas kerd mîyanê çend rojan de ame awankerdiş. Zafê welatê Ewropayî de kesî vejîyayî kuçeyan. Şorişê Rojawanî tenya babeta kurdan nîyo. Şorişê Rojawanî bî çimeyê hêvîya şarê bindestî. Nê semerî ra ma bi nê çalakî hêvîye pawenê.”

 

‘Hewl dayî zorê ruhê piştîdayîşî berê labelê bi ser nêkewtî’

 

Sarah tewr peynî wina ard ziwan: “Bi lez û spontane no rêxistin vejîya orte. Zaf hevalê ma kedêka girdî dayî. Delegasyonêk ciwanan bi teyare şi Amerîka û semedo ke çalakîyanê Vakur rayapêroyî rê neql bikerê xebatê çapemenîye domnayî. Swîsre ra delegasyonêk şi Başûr. Uca xebatanê çapemenîye kerd. Delegasyono ke ma tewr bîyî zî sey konvoyê welatê cîya kesî ameyî û ma şîyî Vakur û Pirsûs. Hîn hevalî sînor de ameyî vindarnayîş. Ameyî destbendkerdiş û qedexeyê derbasbîyayîşî dayî. Karavanêke sînorê Yewnanîstanî de ameyî vindarnayîş. Pêwa nê hîn pê ame bi rayîrê cîya kewtî Tirkîya û resayî Vakur û Pirsûs. Tewrê protestoyan bî û hewl dayî rewşe rayapêroyî rê neql bikerê. Delegasyono ke şi Amed ame destbendkerdiş, îşkence înan rê ame kerdiş. Na karavane semedê çalakîyanê Ewropa bî motîvasyonêk gird. Ganî ma bi peymane xo qîmî nêvînê. Ganî Şorişê Rojawanî bi hawayêko xurt bêro pawitiş.”