Gulîstan Gulmuş

 

RIHA - Verfeka Komîsyonê Huqûqî ya DEM Partî Sevda Çelîk Ozbîngol dîyar kerd ke averşîyayîşê Rojawanî, tecrîdê Rayberê Şarê Kurdî Abdullah Ocalan ser o xoser nîyo û va: “Ganî tecrîdê Birêz Ocalanî ser o peynî bibo. Ganî sererastkerdişê qanûnî lezkî bêrê kerdiş.”

 

Rayberê Şarê Kurdî Abdullah Ocalanî 27ê Sibate 2025ine de venga “Aştî û cimatê demokratîkî” kerd. O tarîxî ra nata Abdullah Ocalan dir demê cîya de pêvînayîşî ameyî kerdiş. Labelê tecrîdê Rayberê Şarê Kurdî ser o dewam keno. Pêwa semedê pêvînayîşê Rayberê Şarê Kurdî dir zafê muracatî ameyî kerdiş zî rojê diyarker yê wezîrê edaletî de pêvînayîşî yenê kerdiş.

 

Pêwa proses serrêke xo temam kerd zî tecrîd dewam keno. Verfeka Komîsyonê Huqûqî ya Partiya Têduştî û Demokrasîyê Şaran (DEM Partî) Sevda Çelîk Ozbîngol derheqê heqê hêvîye û qanûnî ke semedê caardişê heqê hêvîyê lazim o de ercnayîş kerd.

 

27ê Sibate û pey ci

 

Sevda Çelîk Ozbîngol derheqê prosesî de qisey kerd û wina va: “Binê banê meclîsî de komîsyon ame awankerdiş û prosesêk cidî ame domnayene. Komîsyonî xebatê xo peynî kerdî. Peynî de Abdullah Ocalan dir yew pêvînayîş ame kerdiş û 16 rîpel zabitnameyê komîsyonî çapemenî dir pare ameyî kerdiş û no pabebîyayîşêk aştîyêka mende ya ferze xo dir ard.”

 

‘Hêrişê Rojawanî ser o tecrîdî ra cîya nîyê’

 

Sevda Çelîk Ozbîngol dîyar kerd ke proseso ke Tirkîya de ame domnayene de Rojawan de pêrodayîşî dest pêkerdî û wina ard ziwan: “Ameyîne pawitiş ke no proses piştîdayîş dano prosesê Rojhelatê Mîyanên. Labelê Heleb de hemverê sivîlan binpaykerdişê heqanê cidî, sûcê merdimîye ameyî ciwîyayene. Ma nê zî prosesê welatê xo û tecrîdê Birêz Ocalanî ser o cîya nêercnenê. Semedê aştîyêka mende ganî tecrîdê Birêz Ocalanî ser o peynî bibo.”

 

‘Ganî lezkî sererastkerdişê qanûnî bêrê kerdiş’

 

Sevda Çelîk Ozbîngol dîyar kerd ke komîsyono ke ame awankerdiş hîna raporê xo rayapêroyî dir pare nêkerdo û wina dewam kerd: “Çarçeweya pêvînayîşanê partîyê sîyasîyan dir ameyê kerdiş de raporê cidî ameyî awankerdiş. Raporê sazgehan zî wayîrê potansîyel û qîmê ke eşkenê aştîyêka mende û hîra bêro awankerdişî yê. Nê esasî de ganî lezkî rapor û sererastkerdişê qanûnî bêrê kerdiş.”