MERKEZÊ XEBERAN – Sîyasetmedara kurde Dîlan Yeşîlgoz hukmatê neweyî ya Hollandayî de do bibo temsîlkara serekwezîr û wezîra pawitişî ya Hollandayî.

 

Sîyasetmedara kurde û Sereka Partiya Şaran a semedê Azadî û Demokrasî (VVD) Dîlan Yeşîlgoz neql kerd ke aye do sey temsîlkara serekwezîr û wezîra pawitişî kabîneyê neweyî ya hukmatî de ca bigîro.

 

Dîlan Yeşîlgoz platforma X’î ser o lîsteya teksîmkerdişê wezaret û hetkarê wezîran pare kerd. Ame zanayîş ke îdarekarê hukmatî lîsteyî ser o pê kerdî. Dîlan Yeşîlgoz Vakurê Kurdistanî ra ya û serra 1977ine de Anqara de ameya dinya û eslê xo bajarê Dêrsimî ra ya. Dîlan Yeşîlgoz serra 1984ine de keyeya xo dir koçê Hollandayî kerd û uca de Zanîngeha Amsterdamî de Bawernameyê Zanistê Cimatî û Kulturî ca girewte. Dîlan Yeşîlgoz Partiya Şaran a semedê Azadî û Demokrasî de dest bi sîyasetî kerd û kabîneya hukmatî de bî wezîra edaletî ya Hollandayî.