ŞIRNEX – Serra 2016ine de qezaya Hezexî ya Şirnexî de 15 kesî ameyî destbendkerdiş ke sîyasetmedarê kurdî zî mîyanê înan de yê. Dewaya derheqê 15 kesan de qerar vejîya orte.

 

Dadgeha Cezaya Giran ya 3ine ya Şirnexî bi sûcdarkerdişê “endamîya rêxistine” bi pêroyî 96 serrî û 3 aşmî cezaya hepsî 13 kesan rê birna.

 

Dadgehe 12 kesan rê cîya cîya 7 serrî û 6 aşmî ceza birna û yewî rê zî 6 serrî û 3 aşmî cezaya hepsî birna. Derheqê 2 kesan qerarê veradayîşî ame dayîş.

 

Avûkatan dîyar kerd ke dosya nêzdîyê 10 serrî yo dewam keno, îspatê neweyî nêameyê dîyayene û qerar bi dayeyêk girdî xo seperneno şahidê nimite û destnîşan kerd ke bêîspatêk somutî sîyasetê demokratîkî yeno cezakerdiş.