*Jinên ku li gundên navçeya Kercewsê dijîn, debara xwe bi hilgirtina berhemên ku ji baxçeyên xwe berhev dikin û berî roj hilê dibin bazarê, dikin. Gulistan Altun, karê xwe wiha vedibêje, "Piştî ku em nimêja sibê dikin, berî roj hilê em diçin baxçe û tirî berhev dikin." DÎMEN HEYE 

 

*Sevda Çelik Ozbingol a DEM Partîyî bal kişand ser rexneyên li ser cudakarî û îstîsnayan ên di qanûnê de û got, "Nêzîkî 80,000 dosya di qonaxa dozgeriyê de di bin lêpirsîna nepenî de ne. Pêdivî ye ku qanûn zû were bicîhanîn, bêyî ku were dirêjkirin." DÎMEN HEYE 

 

*Li gelek bajarên Kurdistanê, xizmên kesên ku jiyana xwe ji dest dane, di heman demê de daxwazên xwe yên ji bo aştiyê tînin ziman. Jinan bal kişandin ser vê yekê û bang li civaka Tirkiyeyê kirin ku "Li şîna li Kurdistanê binêrin" û tekez kirin ku aştiya mayînde tenê bi lihevhatina civakî, eşkerekirina rastiyê û beşdariya rêxistinkirî ya jinan pêkan e. DÎMEN HEYE