AMED - “Bi Rayberîya azad ver bi cimatê demokratîk” mîtîngo ke do 28ê hezîrane Amed de semedê azadîya Rayber Apo bêro organîzekerdiş, 14 komeleyanê herêmî bi eşkerayîyêka hembeşî venga tewrbîyayîşî kerdî.

 

14 komeleyanê herêmî derheqê “Mîtîngê Azadîye” ke do bi sloganê “Bi Rayberîya azad ver bi cimatê azad” semedê waştişê Rayber Apo, 28ê hezîrane de Meydanê Îstasyonî de bêro organîzekerdiş, eşkerayî dayî. Verfekê Înîsiyatîfê Yewîya Demokratîkî Mehmet Kamaç û zafê kesî tewrê eşkerayîye bîyî.

 

Eşkerayîya ke vernîya Komeleya Hetkarî û Piştîdayîşî yê Cizîrî, Qilebanî, Silopî, Hezexî, Elkeyî, Basa-Şirnexî (ŞÎVÎ-DER) de ame organîzekerdiş de Serekê Komeleya Farqînî Cemal Dogul qisey kerd û ard ziwan ke ganî proses bi serkewte û hêvîya şarî bêro xurtkerdiş û nê çî va: “Mîtîngo ke 28ê hezîrane do Amed de bêro organîzekerdiş muhîm o. Ganî bi xurtî vîyaro. Serkewtişê nê prosesî bi keda şarî girêdayeyo. Şar kam ci wareyî tewr bibo do mesajêk hende xurt bêro dayîş. Ma veng danê şarê xo ke 28ê hezîrane bi xurtî tewrê mîtîngî bibê.”

 

Komeleyanê ke tewrê eşkerayîye bîyî wina yê: “ŞÎVÎ-DER, Bingolluler Dernegî, Mazidaglilar Dernegî, Omeryanlilar Dernegî, Midyatlilar Dernegî, Sîlvan-Farqîn Dernegî, Dîclelîler Dernegî, Kulp Zeraliler Dernegî, Kulp Tiyakslilar Dernegî, Licelîler Dernegî, Hazrolular Dernegî, Çunkugsluler Dernegî, Terkanlilar Dernegî, Şêx Seîd Dernegî.”