Cihên sivîlan hedef hatin girtin

 

HABER MERKEZİ - Li gorî rapora ji Akademiya Jineolojiyê ya Rojava, nexweşxane, mizgeft û wargehên sivîl li Helebê rasterast ji aliyê HTŞ û çeteyên ku ji aliyê Tirkiyeyê ve têne piştgirîkirin ve hatine hedefgirtin; rapor diyar dike ku ev êrîş li gorî qanûna navneteweyî sûcên şer ên eşkere ne.

 

Rapora ku ji aliyê Akademiya Jineolojiyê ya Rojava ve hatiye weşandin, diyar dike ku deverên sivîl li Bakur û Rojhilatê Sûriyeyê, bi taybetî li ser xeta Helebê, bi awayekî sîstematîk hatine hedefgirtin. Li gorî raporê, êrîşên li ser nexweşxane, cihên îbadetê û deverên niştecihbûnê ne raste rast hedefa şer bûn.

 

Rapor destnîşan dike ku ji 6'ê Çileya 2026'an vir ve, Nexweşxaneya Xalid Fecr, Nexweşxaneya Sivîl a Osman, Mizgefta El-Hesen û Mizgefta Navendî ya Şêxmeqsûd li taxên Şêxmeqsûd û Eşrefiyê yên Helebê hatine bombebarankirin. Tê gotin ku êrîş di dema operasyonên hevbeş ên di navbera HTŞ û nokteyên leşkerî yên Tirkiyeyê de çêbûne.

 

'Mafê Tenduristiyê û Azadiya Baweriyê Hatin hedefgiritn'

 

Akademiya Jineolojiyê diyar kir ku êrîşên li ser navendên tenduristiyê bi bandor mafê birîndaran ê dermankirinê ji holê rakirine û hedefgirtina dibistan û cihên îbadetê rasterast zarok û civakên olî di şer de pêk hatiye. Di raporê de hat destnîşankirin ku armanca van êrîşan tirsandina sivîlan, neçarkirina wan ji bo koçberiyê û hilweşandina tevna civakî ye.

 

Di raporê de hat destnîşankirin ku hedefgirtina nexweşxane, dibistan û cihên îbadetê, ku di bin parastina mutleq a qanûna navneteweyî de ne, sûcê şer ê giran e û hat destnîşankirin ku ev êrîş ne bêserûber in lê şêwazek sîstematîk û berdewam in.

 

Her wiha cihên sivîlan jî hatin hedefgirtin.

 

Di raporê de tê gotin ku xanî û kolanên sivîl lê li taxa Şêxmeqsûd jî bi topan hatine hedefgirtin, di encamê de gelek kuştin û birîndarî çêbûn. Tê destnîşankirin ku bombebaran, bi taybetî li kolanên teng û deverên qerebalix hatine kirin û di nav sivîlan de wêraniyek mezin çêkiriye.

 

Di beşa dawî ya raporê de, Akademiya Jineolojiyê ya Rojava tekez dike ku ev êrîşên li ser deverên sivîl armancên wan ên paqijkirina etnîkî, olî û civakî hene û bang li civaka navneteweyî dike ku li hember van sûcan bêdeng nemînin.