NAVENDA NÛÇEYAN - Li gorî rapora Saziya Dîdeban di Tebaxa îsal de bi kêmanî 23 jin li deverên cuda yên Rojhilatê Kurdistan û Îranê hatine qetilkirin.

 

Saziya Dîdeban têkildarî daneyên qetilkirina jinan a li Rojhilatê Kurdistan û Îranê raporek belav kir.

 

Li gorî raporê di Tebaxa Îsal de li Rojhilatê Kurdistanê û Îranê bi kêmanî 23 jin û zarokên keç hatine qetilkirin.

 

Hate ragihandin ku piranî jî ji aliyê mêr û ferdên malbata xwe ve hatine qetilkirin.

 

Di raporê de jî hate diyarkirin ku di nava qurbaniyan de jî 5 zarokin ku temenê wan di navbera 8-15 saliyê de bûn.